Thupuan tuamtuam

Office of the

VILLAGE AUTHORITY

Headquarter veng, Lamka, CCpur-795128

NGAIHDAM THUPUAN

Hq. veng, the 27th April, 2013

Date 21.4.2013 nitak a vengsung a buaina bawl a numei leh naupang thawmhau taka koih tute lak a tel HQ veng apan Mr. Lalzalun s/o Mr. Thangtinlam of IB Veng, Headquarter theih khiak ahih tawh kitonin  Mr. Lalzalun in vengsung ami hongsuk buaina uh V/A te kianga  ngaihdam anget ziakin ahon ngetna bangin ngaihdam a hi. Himahleh, mimal liam leh bai tawh kal aki gen pha kei hi.

Sd/-(Liantinlal)

Secretary, Village Authority

 

Thu tuamtuam

Inn kibawl lai apan kia

= Np. Lianmuanlal of Imm. Road, April 21, 2013 nitak lam in a inn kiang ua inn kibawl a kallai kia in, khawphok lou in om a, damdawi in tut in om chihthuzak ahi.

Nawlam hong veh uh

= Nu Chingzamawi (Sister of Editor Pu’) leh a pasal leh atapa kallui in Shillong apan nawlam veh in hong zin zual ua, zing April 29, 2013 in Shillong lam ah kik nawn di uh hi’n kigen hi.

Lampi khu thei mahmah: JNV Road, Black topping kibawllouhna lak khua aphat chiang in khu thei mahmah a, lam kiang a teng te di’n hitan huai mahmah hi’n kigen hi.

PET zoute adin written test om di

Police Constable(Male/Civil) lakna dinga Physical Efficienty Test (PET) a lawhchingte adin  May 1, 2013 in 1st M/R,  2nd M/R leh Khuman Lampak Main Stadium ah written test om ding hi.Candidate-te’n admit card tawi in zingsang dak 7:00 in exam centre tun ngaiding.  District tuamtuam apan candidate-te written test centre ding anuai abang hiding  hi.

1st M/R ah:

1)Bishnupur district

2)Thoubal district

2nd M/R, Imphal ah:

1)Chandel district

2) CCpur district

3)Senapati district

4)Tamenglong  district

 5)Ukhrul district

Khuman Lampak

Main Stadium ah

1)Imphal east district 

2)Imphal west district

Eiveng apan PET zou mibang zah hiam om ua, written test om di a le a hong lawhching chiat uh i deihsak mahmah hi. All the best.

Naupang Curfew puang

Naupang Curfew puang

= HQ veng Village Authority, HYO leh HCB te’n vengsung a siamsin naupangte khualna ziakin April 23, 2013(sepnawnni) nitak dak 6.30 apan Naupang Curfew puang uhi. Curfew kipan hun nitak dak 6.30 nung student hih di tumta nei lou a, khawlai a vak thap mat a om uh leh a kituahpih bang a gawtna piak hi ding uh hi’n makaite apan thusuak kingah hi. Hiai tawh kisai in nitak tengin vengsung makaite hoih tak in duty gige ta uhi. Thusuak kingah danin, April 21, 2013 nitak a vengsunga buaina om suanlam a buaina bawl dia kisa mibangzah hiam duty te’n April 27, 2013 nitak in mat ua, Community Hall a thuhilhna hoihtak a neihzawh un paisak uh hi’n le kigen hi. Vengsung hoihna dia Curfew kipuang pen nu-leh-pa leh vengsung mipite’n hoihtak a kithuahpih chiat di’n i kingen uhi.

66th Siamsinpawlpi Foundation Day-cum- Siamsin Meritorious Award 2013

= Siamsinpawlpi General Headquarter saina in tuni January  13, 2013 in New Lamka YPA Hall ah dak 1.00pm-4.00pm sung 66^th Siamsinpawlpi Foundation Day-cum- Siamsin Meritorious Award, 2013 hawmna hun om ding hi. Hiai hun ah Pu Phungzathang Tonsing, Health Minister, Pu Vungzagin Valte, Parliamentary Secretary & MLA Thanlon A/C, Rev. S. Vungminthang, General Secretary, EBC leh Pu M. Jamchinthang, Chairman SSPP Standing Committee te apan thugenna om ding hi. Hiai hun ah Award tuamtuam 32 leh SSPP Life membership mi 9-te kiangah piakkhiakna leng om ding hi. Hiai programme zatna hun ah SSPP Branch, Block, JHQ leh HQ banah life member-te, Patrons, emeritus, Special invitee, Awardees, Donors, Sponsors leh a dangdang adingin Batch kibawl amukha lou om leh amun lam a manawh theih ngal ding in thusuak kingah hi. SSPP ahihleh January 13, 1947 in namsung awlmawhna lianpi nei in ana kiphutkhia hi.

Imm. BYF leh BCD Heutu di guan gelta uh

January 6, 2012 a Imm. EBCC saptuam in BYF makai di atelkhiak te un, January 10, 2012 in Biakin mun ah ki-formna nei ua, huai lah BYF Chairman di’n H. Lalmachhuan, Vice Chairman di’n V. Hauthianmuan, Secretary di’n M. Jamkhanmuan, Assistant Secretary di’n Miss Niangzahoih, Finance Secretary di’n Mawibiaklun leh Treasurer di’n Miss Sawmbiakmuang tel ding uhi. Member ah Miss Chiinngaihnem, T. Ginlianlal, Miss Paulianching,  Lianbiak John leh N. Khaisonlian te hi uh chihthuzak ahi.

            Tuateng banah, January 9, 2012 in naupang heutu dia telkhiak a omteng in Office Bearer ki-formna biakinn mun ah nei ua huai ah Superintendent in V. Hauthianmuan, Secretary in M. Vumlianmang, Assistant Secretary in Niangzahoih, Faineance Secretary in Sianmung Naulak, Treasurer in Mawibiaklun. Member dangte ahihleh Chiinngaihnem, Ngaihoih, Samuel Thangsuanmung, N. Paukhansuan, Paulianching leh Sawmbiakmuang te hi uhi. Thusuak kingah dan in Pawl chih a heutu di le bawlna nei ngal ua, Beginner ‘A’ ah N. Paukhansuan leh Chiinngaihnem, Beginner ‘B’ ah Samuel Thangsuanmung leh Ngaihoih, Primary ah Sianmung Naulak leh Sawmbiakmuang, Junior ah V. Hauthianmuan leh Paulianching, Intermediate ah M. Vumlianmang leh Niangzahoih leh Senior ah H. Lalmachhuan leh Mawibiaklun hi uhi. Tuni January 13, 2012 in Naupang lam ah mikhumna leh pawl suanna om ding a, nu leh pa te’n Sunday school ngai poimawh le hoih mahmah ding hi.

Machine thak nei

= S. Paukhozam veng, Headquarter  a om Pa Lianzapau Samte in nibangzah hiam paita in Delhi apan machine thak Tube Well Boring Machine kichi thupi mahmah na lei chihthuzak ahi. Hiai machine in ahihleh mun neu chik ah le nuamtak in tuilakna di bawl thei hi’n kigen hi. Thukizadanin, machine thak mechanic di le tungta a, azang nuam leh theinuam te’n chiklai peuh in S. Paukhozam veng, District Hospital sak a chiklai peuh in muh theih chih chihthuzak ahi.

VA in group khenna takkhiak Zingchiang apan tha nga nasep kipan di

Headquarter veng Village Authority in Headquarter veng a Job Card holder te group A, B, C, D a khenna list Community Hall, Imm. Road leh Waiting shed, IB Road ah kuapeuhmah ettheih di’n tak khia uhi. Group A ah Sl. No. 1-116, Group B Slo No. 117-232, Group C Sl No. 233-348, Group D ah Sl No. 349 – 463 om hi.

 VA apan thusuak kimudan in zing chiang in Job Card tha nga sepna kipan ding a, Job Card holder teng kimtak a kuan vek di, a kuanlou kuamah om theihlouh di’n taklang uhi.

Siamsin mi 58 kiangah kipahna thilpiak pe khia

Siamsin mi 58 kiangah kipahna thilpiak pe khia
= December 31, 2012 nitak in Upa V. Jamkhanmang in Imm. EBCC sunday school hall a lenkhop na ah saptuam sung a sunday school  hoih tak a kai banah School kaina ua Distinction leh First Division a pass te kiang ah kipahman hawmna nei hi. Tukum in Distinction a pass mi 29 kiang ah Rs. 200/- chiat pia a, First Division a pass mi 29  kiangah kipahpihna thilpiakin Rs. 100/- chiat pia chihthuzak ahi.

Saptuam dan in kiteng uh

Saptuam dan in kiteng uh

Zan December 5, 2012, dak 11.00am in Imm. EBCC biakin ah H. Ginbiakthang s/o Late Songkhozam of JNV Road leh Miss Jambiakhoih d/o Rev. S. Ginsianthang of Hebron veng, New Lamka ten saptuam dansiangthou in kiteng uhi. Saptuam mipi leh tanau laina tamtak un uap uh

SSPP Jt. Hqtrs Golden Jubilee Football Tour.

SSPP Jt. Hqtrs Golden Jubilee Football Tour.

= Siamsinpawlpi Joint Headquarters Shillong te sai na in SSPP Jt. Hqtrs Golden Jubilee Football Tournament January 5, 2013 in Lamka Public Ground ah H. Mangchinkhup, EM ADCC in Chief Guest hihna tawh hong khia hi. Hiai Golden Jubilee Tournament ah SSPP Branch tuamtuam hunkhop kihel uhi. A kihel te ahihleh: Group A ah- Hiangtam Lamka (A), Bungmual (B), New Lamka (A), Shillong (B), Central Lamka, Guwahati, Donbosco, CCpur Govt. College, Shillong (C), Lamka College, Zenhang Lamka te om ua, Group B ah- Hiangtam Lamka (B), Bungmual (A), New Lamka (B), Shillong (A),Pearsonmun, Ebenezer,G. Mualkawi, Imphal, Mata, Headquarter veng, New Lamka (C) te om uhi. Opening Match dak 12:30pm a om ah first match ah Shillong A leh Bungmual A te kimawl ua, 2nd Match ah Zenhang Lamka leh Hiangtam Lamka A te kimawl uhi. January 8, 2012 zingdak 7.30 in Headquarter veng Branch leh New Lamka (C) te kimawl ding uhi.

2012 sunga thupina gam honna zotsante

I veng in 2012 sunga i na suunte uh

Kum lui 2012 in i veng in kumdang tawh tehin thupina gam ahonna paisan hunkhop kinei hi. 2012 kum in i vengsung mi Pasal 10 leh numei 7 in thupina gam honna zawt san uhi. Lusuunna tuak te TTR in sunpihthu i puang thakthak a, tukum thak hun ah Pathian pina tawh hun kipahhuai tak a zat uh i deihsak thu i khak hi. Hiai anuai ah 2012 kum a hon na sihsan te i taklang hi. Min dik lou ahihkei leh gelh khaklouh a om leh a nawn chiang a sukdik/suah ahi zel di. Sihna tung a thunei tu Pathian ahihman in tukum 2013 in kua teng i si di ua chih theih hilou hi. Huaiziakin, i hinna uh a neitu pa kiang a tung na diam chih ahinglai ten i kingaihtuah di’n deih huai hi.

Sl. No. Min Kum Relation Sihni/vuini Vuitu
1. Ginkhanlam - - - Imm. EBCC
2. H. Chingoumuan - s/o Dailou - Imm. EBCC
3. Sumkim 86 w/o (L) Thangtindal 7/5/2012 ESC
4. Zamngaihlun 24 d/o Nu Chingpi 11/5/2012 Imm. EBCC
5. Thangngam 92 f/o Hesei 26/5/2012 ECA
6. Nu Malsawm 60 w/o Late N. Thangzalian 1/7/2012 Imm. EBCC
7. Nianghehching 86 m/o P. Thiaukhanthang 22/7/2012 Imm. EBCC
8. Zenvung 70 m/o Thangzalam 22/7/2012 Imm. EBCC
9. Zamkhosei 84 f/o Khaikap 24/7/2012 EFCI
10. Ngailalkung 80 f/o John Jangpu 11/9/2012 Elim PCI R
11. Dimkhonieng 50 d/o Late Paukhovum 23/9/2012 ESC
12. Luntinlal 35 s/o Chinzavung 5/10/2012 Imm. EBCC
6/10/2012
13. Tonglienmang 52 h/o Niehkhochong 29/9/2012 EOC
30/9/2012
14. N. Paukhanlun 32 s/o N. Saizalian 14/10/2012 Imm. EBCC
15/10/2012
15. Soizamang 39 s/o Pumkhual 17/10/2012 ESC
18/10/2012
16. Goihvung 89 m/o N. Vungzathang 14/12/2012 Imm. EBCC
15/12/2012
17. Khaipau 79 s/o Late Khupkhozam 18/12/2012 MPSC