Hq veng: Tuni zingdak 7 vel in DC in khong a loupa kul mahmah te hah siang na leh vatziakna Job Card holder ten nei ua, hiai hun ah VA apan member teng kim in, mipi tam zaw leng paikhawm in, na sem uhi. Hiai nasep zawh in ni 30 lawhlak theihna di'n Muster Roll ah suaikaina nei in om nawn hi. Hiai hun ah mi tamzaw in suaikai uhi. Thusuak kiza dan in, kha nawn October in Village Authority Election neih hiding hi'n kigen hi. Thuchian kim zaw ngak hileh. Vengsung it leh khawtuah makai telkhiak a omnawn theihna di'n mipi te i tung ua vaihawm di te adi'n thumna nei chiat leng i chi hi. Siangthou tak leh lamzang tak a neih Totorawt in deihthu taklang a, kuaman sum leh vote dikloutak a hihlou ding le mipite kiangah ngetna i nei hi.
Demand pichin ahih kei leh general strike puang dingin JAC/JSO in govt vau
LAMKA, September 26 : Apaisa September 7, 2012 nitak dak 9:00 vel a Sehpu, Ex-MLA leh a lawm te mi 2 in, S. Nahbil khua hausa Henkhothang Haokip a thah na uh toh kisai,lungkim loua JAC kiphuan ten, zan apan in government office te khaak sak in office staff te kai sak lou uhi.
Hiai bang in JAC pawl in kiphinna te nei mah le uh, governemnt lam in ngaihsak tuan lou in, office te, security te thahaat na in hon sak in om ve ve hi. Hiai toh kisai in tuni sunnung lam in JAC te makaih mah in, Joint Students Organisation ten meeting nei nawn in huai ah thupuk na tuam tuam la uhi.
JAC lam apan thu kiza dan in, S. Nahbil hausa Henkhothang Haokip sihna oth kisai a demand tuam tuam a bawl te uh, pichin ahih louh ziak a hiai bang a kiphinna a pat uh hidan in gen ua, zan apan government activity te him him boycott puang in leh office te khaak sak ua, himahelh security te haatna ziak a hon a om ahihdan gen in, a kiphinna pen uh khawllou a, a khauh zaw sem a pai tou lai ding uh ahihdan gen uhi. Huai ban ah, hiai bang a government office te a khaak sak hun ua, office staff a kai aom hiam ahih kei leh, a office a thil a deih huai lou lam tung a om leh JAC ten a mawh po lou ding uh chi in leng gen uhi.
JAC ten a gen zel dan un, a thil demand te uh pichin ahih theih na ding a kiphinna chi tuamtuam pan mahle uh government lam in ngaihsak tuan lou ahihna uah, tulel a apai pih uh, government activity leh governemnt office te boycott kichi pen khauh pai sem ding ua, huai tan a leng government lam in a ngaihsak tuan kei ua leh, ahongtung ding September 29, 2012 apan a district pumpi a general strike puang ding uh hidan in genkhawm uhi. zol
TET form hawmna khawl lou in paizom
LAMKA, September 26 : Board of Secondary Education, Manipur BSEM in teacher ki laak hun chiang a zat ding chi a dan thak a bawl uh, Teachers Eligibility Test, TET toh kisai, tukal bul apan in ZEO office ah hawm in om pan hi. A kihawm pat ni in, hoih tak in ZEO office ah kihawm in a form te leng beipah a, himahleh a ni nawn apan a JAC pawl in government office teng a khaak sak ziak un, security khauh tak ven na nuai ah ZEO office mah ah haksa tak in hawm uhi.
TET toh kisai mipi a ding liau liau ahihna ah chi in CDSU ten ZEO office staff te toh ki thu zaak in, office kong a Synod House a hawm ding chi a thukim in, tuni apan in TET form te ZEO office kong ah hawm in om hi. Huai lou in, CDSU te panlak na ziak mah in, TET form hawm theih a om in bei pah pah a, himahleh, hiai pen a concern department te ngak hi leh form te bei a, ni khat khawl a a ni nawn a hawm zel ngai ding chih na ziak in CDSU lam in ZEO office lam te noh a, a bei hun hun a, Imphal a tai suk a form te la ding a a noh ziak ua, khawllou a niteng a hawm theih a om hidan in leng gen ua, form man pen, mimal gari a tai ahihna uah chi a Rs. 30 a pung sak mah uh hidan in gen uhi. zc
EM IN KIPAHPIH
Manipur Public Service Commission saina nuai a Manipur Civil Service Combined Examination a lohchinna ngah S Thienlaljoy Gangte, Paukhenmung leh Lunzamung Tungnung te Hiangtam Lamka ADC Constituency mipi in kipahpih a kisaktheihpih mahmah ahihdan Kamsuanlun bialtu MDC and Executive member ADCC in kipah thusuahna ah taklang hi.
Medical Camp om ding
Lamka, Sept-25: Dist. Health Society/CCpur saina in Sept 26,
2012 in Sagang PHC nuai a Moirang Mantak khua ah Mobile Medical Camp leh
Reproductive Child Health camp kithuah om ding hi. Sept 27 in Singngat sub-division a
Tuima khua ah om nawn ding a, Sept 29 in Sangaikot block sunga Songpeh khua ah
om ding hi. Tuima Health Camp ah Totorawt Editor pu le va tel ding a, zingchiang sept 27, 2012 in zin ding chih thuzak ahi.
Ni 40 sung an-ngawl thumna kipan
Lamka, Sept-25: Ms
Lalremsiem leh EFCI Central Numei pawl kigawmte panlakna in tuni’n Muolvaiphei a Nehemiah Prayer Mountain
ah ni 40 leh zan 40 sung an-ngawla
thumkhawmna kipan a, Rev Zoramsiem, Gen
Secy Central Women, EFCI/Shillong in hongkhia hi. Thumkhawmna ah khawpi sung mun tuamtuam apan EFCI te ban ah
saptuam tuamtuam apan mi tamtak tel uhi. An-ngawl thumna Nov 3, 2012 tan sunzom
ding uhi.
Tanu nei
Zan (September 23, 2012) in Goumuanvung w/o Pauboi Hangshing of Venglai Road in District hospital ah tanu na hing khia chihthuzak ahi. Naungek pa le kipak petmah in hichi'n gen hi.
"Lungkham mangbang a ka om lai ua, Toupa aw na thil bawl theih na non langsak a TANU hoih tak non piak ziak in na tungah kipahthu ka hn gen nawn thak2 ahi... PA aw na thilh bawl theih na hih a mak in a lamdang ahi, ki pah na in ka pum dim ............. HOPE TO SEE MY DAUGHTER SOON.... THANK YOU LORD."
"Lungkham mangbang a ka om lai ua, Toupa aw na thil bawl theih na non langsak a TANU hoih tak non piak ziak in na tungah kipahthu ka hn gen nawn thak2 ahi... PA aw na thilh bawl theih na hih a mak in a lamdang ahi, ki pah na in ka pum dim ............. HOPE TO SEE MY DAUGHTER SOON.... THANK YOU LORD."
Kaikhup vuak in om
Thukizakdan in September 14, 2012 nitak tungin Pu pu (min kikheng) in Pa Kaikhup@Khuppu (khamos Brother) in a sum Rs 60,000 kha 3/4 pai sa a na guksak hi a ngawh in, vengsung tangval bangzah hiam kaikhawm in, man ua soisa zek uh chihthuzak ahi. Kaikhup in ahihleh Pupu sum gulou hidan in gen hi.
Nullah bawlna zawh siang hita
Nullah bawlna zawh siang hita
Kalbang zah hiam paita apan Job Card tungtawn a DC innkhang IB Road apan Churachandpur College maitan nullah bawlna September 14, 2012 in zousiang ta ua, nasep khol phawt hi’n kigen hi. Hiai nasepna ziakin nullah bawlna gei vuah zuk ziak in nawi mahmah a, bally single hiam kisung thei leh a nawi phatuam deuh di’n kigen hi.
SUUNNA
Elder (Emt.) Ngailalkung (80) f/o John Jangpu, I.B. Road Elim PCI-R compound in zan (September
11, 2012) 7.30pm vel in kalnatna ziakin honna sihsan ta hi. A zi atate leh a sungkuante suunpih
thu i puang hi.
A tanchin tawmkim:
Elder Ngailalkung ahihleh Senvon ah 1932 kum in Pu Late Suoka leh Pi Late Vungi kal ah na piangkhia hi. 1983 kumin Lamka ah hong pemlut ahi. Thanlon sub-division a om Leisen khua a a omlai in ICI saptuam ah 1965 kum in Elder Ordiantion tang a, 2010 kumin Pahtakna lai ana sang ta hi.
Elder Ngailalkung ahihleh mi ngaihhuai, mi polhnuam mahmah mi ahi a, saptuam ah le ahihthei tantan in lunglut tak a kihel gige mi ahi. Huchi kawmkal ah taksa upa ziak in natna tuamtuam nei a atapa John Jangpu in na etkol zel mahleh hoihlam nawn tuan thei lou in, Pathian in amah dia aseh ni in honna sihsan ta hi.
11, 2012) 7.30pm vel in kalnatna ziakin honna sihsan ta hi. A zi atate leh a sungkuante suunpih
thu i puang hi.
A tanchin tawmkim:
Elder Ngailalkung ahihleh Senvon ah 1932 kum in Pu Late Suoka leh Pi Late Vungi kal ah na piangkhia hi. 1983 kumin Lamka ah hong pemlut ahi. Thanlon sub-division a om Leisen khua a a omlai in ICI saptuam ah 1965 kum in Elder Ordiantion tang a, 2010 kumin Pahtakna lai ana sang ta hi.
Elder Ngailalkung ahihleh mi ngaihhuai, mi polhnuam mahmah mi ahi a, saptuam ah le ahihthei tantan in lunglut tak a kihel gige mi ahi. Huchi kawmkal ah taksa upa ziak in natna tuamtuam nei a atapa John Jangpu in na etkol zel mahleh hoihlam nawn tuan thei lou in, Pathian in amah dia aseh ni in honna sihsan ta hi.
Naunei
Nu Chingniang tapa Upapen T. Ginkhanmuan leh Chiinthianmuang te nupa in District Hospital ah nau numei melhoihtak na neikhia uh chihthuzak ahi.
Banah,
Pa Khaikhankap te nupa in le nibangzah hiam paita in District Hospital ah tanu mah na nei nawn uh chihthuzak ahi. Vengsung numei nih in pun beh nawn a, tangval hing khe di le maban ah om lai ahihna ah, tua numei piangte na lungkham kei le uh chin he2222...
Banah,
Pa Khaikhankap te nupa in le nibangzah hiam paita in District Hospital ah tanu mah na nei nawn uh chihthuzak ahi. Vengsung numei nih in pun beh nawn a, tangval hing khe di le maban ah om lai ahihna ah, tua numei piangte na lungkham kei le uh chin he2222...
Job Card tungtawn in Nullah kibawl
MNREGS (2012-2013)nuai ah DC nu innkhang IB Road lam zui apan CCpur College tan Nullah bawlna tukal sung a pat in om a, tuni tan in lamzang takin paitou hi. JCB zang in nullah khuat kuak in om a, hiai khuak kuakna mun ah cement in nullah hoihtak bawl hi ding hin kigen hi. Hiai nullah bawl zawh ahihchiang in lampi a hawktui tawh paina di kituh chihte vang mahmah ta ding a, nuamtuan mahmah ta ding hi. Lamzang tak a nasep a zawh uh lamet ahi. Hiai nasep ziakin lamgei a dawr neu bawlte buai mahmah ua, a bawllouh na lam lam ah kituan tultul zel uhi. Hiai nasepna di’n kilawh lak hi a, Job Card nei a kuan ut louten Rs. 400/- tawh uhi. Hoihtak a zawh ahih chiang in vengsung etlawm mahmah ta ding chi’n makaite pan thusuak kingah hi.
Subscribe to:
Posts (Atom)