THEIHSAKNA

Office of the
HEADQUARTER VENG VILLAGE AUTHORITY
Headquarter veng, Lamka, CCpur-795128, Manipur.

THEIHSAKNA
30-12-2013

Joint Committee thupukna omsa dungzui in tuni date 30/12/2013 akipan in H.Q veng sung a zukham sakham /thawm kilawmlou /omdan kilawmlou a om mat leh theihkhiak ahihleh V/A theihpihna nuai ah atunga action khauhtak lak hi ding a, kuaman mimal/nam vai in ala theikei ding. Thuthak omna hiai dan zat ahi ding.
Banah, Volunteer duty dia seh hilou duty paulap a gamtang a om leh atunga action khauh theipen lak ahi ding.

Sd/-(Chairman) Sd/-(Secretary)
Village Authority Village Authority
Sd/-(President) Sd/-(Secretary)
Headquarter Youth Organisation
Sd/-(Chairman)
Headquarter Cemetery Board 

RBI in hilhchetna bawl

Tulai a sum note a thil kigelh tawh kisai RBI in hilhchetna bawl

January 1, 2014 akipan sum note a thil kigelh te bank ten la nawnlou ding chia gamsung ah thuzuau kithehzak tawh kisai in Reserve Bank of India in hilchetna bawl hi. Reserve Bank in mipite kiangah hiai thu zuau ziak a kuamah lungbuai lou din ngen hi. RBI in hichibang thusuah bawl lou uh hilchetna bawl thak thak uhi. 

Thusuakin ataklat zelna ah, August 14, 2013 akipan in Reserve Bank’s Clean Note Policy tungtawn in Reserve bank in India gamsunga Bank tengteng kiangah sum a thil gelh thanglou ding leh sum a thil kigelh te pe khe nawn lou ding in thusuak bawl hi’n gen hi. Reserve Bank’s Clean Note Policy nuai a sum siangthou tak a zat ding chih deihna ziak a hiai bang thupuan kibawl hin gen hi. Bank a sem khenkhat te sum gelh tang a chiin ziak un, Bank te kiangah sum siangthou sak din ngetna na bawl uh hizaw hi.

Hiai tawh kisai in, Clean Note Policy pen mipi gamsunga  teng tengteng in kithuahpih chiat a, sum a bangmah gelh tang nawnlou ding in Reserve Bank in ngetna nei ngal hi. 

Huaiziakin, sum a thil kigelh te zat theihlouh hilou in, sum a thil kigelh te Bank ten mipite kianga pe khe nawnlou ding leh sum note te a thil gelh thang nawnlou ding chihna hilel hi. Huaiziakin, kuamah patau lou ding in TTR inle ngetna hon ki nei hi.

GREETINGS

KUMTHAK MESSAGE

Kumthak ahih tawh kiton in HQ veng huapsung a teng tengteng i Toupa Jesu Christ min suangin itna chibai kon buk hi. Kum 2014 mel i muh uh tawh kitonin hiai kumthak in i mimal chiat ading in chidam kum, tup leh ngimte apan lakthakna ding a hun hoih kum, inn pau leh sung a dinga chidam kum, Christ aki unau na khan semna kum leh vengsung adinga chidam semna kum hong hi dingin hiai i vengsung news deihthoh huaitak tungtawn in HQ veng mi tengteng kiangah deihsakna thu kon khak hi.

Sd/-(T. Vumzamang)

Chairman, Village Authority

Headquarter veng

GREETING

KUMTHAK ah, gamsung khantouhna ding a tup leh ngim i neihte ahong tangtunna kum honghi henla, nang leh na sungkuante adinga LOHCHINNA, VUALZAWLNA, DAMTHEIHNA, LEMNA na muhna kum uh hong hileh chih DEIHSAKTHU ka hon khak hi.

Na deihsak uh,

-Kamsuanlun & Family

Thupuan tuamtuam

Office of the

VILLAGE AUTHORITY

Headquarter veng, Lamka, CCpur-795128

NGAIHDAM THUPUAN

Hq. veng, the 27th April, 2013

Date 21.4.2013 nitak a vengsung a buaina bawl a numei leh naupang thawmhau taka koih tute lak a tel HQ veng apan Mr. Lalzalun s/o Mr. Thangtinlam of IB Veng, Headquarter theih khiak ahih tawh kitonin  Mr. Lalzalun in vengsung ami hongsuk buaina uh V/A te kianga  ngaihdam anget ziakin ahon ngetna bangin ngaihdam a hi. Himahleh, mimal liam leh bai tawh kal aki gen pha kei hi.

Sd/-(Liantinlal)

Secretary, Village Authority

 

Thu tuamtuam

Inn kibawl lai apan kia

= Np. Lianmuanlal of Imm. Road, April 21, 2013 nitak lam in a inn kiang ua inn kibawl a kallai kia in, khawphok lou in om a, damdawi in tut in om chihthuzak ahi.

Nawlam hong veh uh

= Nu Chingzamawi (Sister of Editor Pu’) leh a pasal leh atapa kallui in Shillong apan nawlam veh in hong zin zual ua, zing April 29, 2013 in Shillong lam ah kik nawn di uh hi’n kigen hi.

Lampi khu thei mahmah: JNV Road, Black topping kibawllouhna lak khua aphat chiang in khu thei mahmah a, lam kiang a teng te di’n hitan huai mahmah hi’n kigen hi.

PET zoute adin written test om di

Police Constable(Male/Civil) lakna dinga Physical Efficienty Test (PET) a lawhchingte adin  May 1, 2013 in 1st M/R,  2nd M/R leh Khuman Lampak Main Stadium ah written test om ding hi.Candidate-te’n admit card tawi in zingsang dak 7:00 in exam centre tun ngaiding.  District tuamtuam apan candidate-te written test centre ding anuai abang hiding  hi.

1st M/R ah:

1)Bishnupur district

2)Thoubal district

2nd M/R, Imphal ah:

1)Chandel district

2) CCpur district

3)Senapati district

4)Tamenglong  district

 5)Ukhrul district

Khuman Lampak

Main Stadium ah

1)Imphal east district 

2)Imphal west district

Eiveng apan PET zou mibang zah hiam om ua, written test om di a le a hong lawhching chiat uh i deihsak mahmah hi. All the best.

Naupang Curfew puang

Naupang Curfew puang

= HQ veng Village Authority, HYO leh HCB te’n vengsung a siamsin naupangte khualna ziakin April 23, 2013(sepnawnni) nitak dak 6.30 apan Naupang Curfew puang uhi. Curfew kipan hun nitak dak 6.30 nung student hih di tumta nei lou a, khawlai a vak thap mat a om uh leh a kituahpih bang a gawtna piak hi ding uh hi’n makaite apan thusuak kingah hi. Hiai tawh kisai in nitak tengin vengsung makaite hoih tak in duty gige ta uhi. Thusuak kingah danin, April 21, 2013 nitak a vengsunga buaina om suanlam a buaina bawl dia kisa mibangzah hiam duty te’n April 27, 2013 nitak in mat ua, Community Hall a thuhilhna hoihtak a neihzawh un paisak uh hi’n le kigen hi. Vengsung hoihna dia Curfew kipuang pen nu-leh-pa leh vengsung mipite’n hoihtak a kithuahpih chiat di’n i kingen uhi.